റൂബി ബ്രിഡ്ജെസ്

പൗരാവകാശ പ്രസ്ഥാനത്തിന്റെ പ്രതീകമായി മാറിയ അമേരിക്കൻ ആക്ടിവിസ്റ്റാണ് റൂബി ബ്രിഡ്ജസ് അഥവാ റൂബി നെൽ ബ്രിഡ്ജസ്. 1954 സെപ്തംബര്‍ 8 നാണ് മിസിസ്സിപ്പിയിലെ ടൈലര്‍ ടൗണില്‍ ഏബണ്‍, ലൂസ്ലി ബ്രിഡ്ജെസ് എന്നിവരുടെ മകളായി റൂബി ബ്രിഡ്ജെസ് ജനിച്ചത്. അവൾക്ക് നാല് വയസ്സുള്ളപ്പോൾ, മെച്ചപ്പെട്ട ജീവിതത്തിനായി അവളുടെ കുടുംബം ന്യൂ ഓർലിയാൻസിലേക്ക് മാറി. ഗ്യാസ് സ്റ്റേഷന്‍ ജീവനക്കാരനായ അച്ഛനും മറ്റ് ചെറിയ ജോലികള്‍ ചെയ്ത് അവളുടെ അമ്മയും കുടുംബത്തെ മെച്ചപ്പെട്ട സാമ്പത്തികസ്ഥിതിയിലേക്ക് എത്തിക്കാനുള്ള കഠിനാധ്വാനത്തിലായിരുന്നു. കുട്ടികള്‍പോലും മനുഷ്യാവകാശത്തിന്‍റെ ഭാഗമാകുന്ന കാലത്താണ് സർക്കാരിന്റെ സഹായത്തോടെ 1960 നവംബര്‍ 14ന് ആറ് വയസ്സുള്ള റൂബി All-White William Frantz Elementary School -ലേക്ക് ന്യൂഓര്‍ലിയാന്‍സില്‍ നിന്നും എത്തുന്നത്.

റൂബിയുടെ ജനന വർഷം തന്നെയായിരുന്നു പൊതു സ്കൂളുകളിൽ വംശീയ വേർതിരിവ് അവസാനിപ്പിക്കാനുള്ള യു‌എസ് സുപ്രീം കോടതിയുടെ സുപ്രധാന വിധി വന്നതും. എന്നിരുന്നാലും, തെക്കൻ സംസ്ഥാനങ്ങൾ ഇതിനെ എതിർത്തു, അവിടെ വേർതിരിവ് തുടർന്നു. 1959 ൽ റൂബി ഇത്തരത്തിൽ വേർതിരിക്കപ്പെട്ട ന്യൂ ഓർലിയൻസ് കിന്റർഗാർഡനിൽ ചേർന്നു. എന്നാൽ, ഒരു വർഷത്തിനുശേഷം, ഒരു ഫെഡറൽ കോടതി ഈ തരംതിരിക്കൽ ഒഴിവാക്കാൻ ഉത്തരവിട്ടു. അതിനാൽ ഓൾ-വൈറ്റ് സ്കൂൾ ആഫ്രിക്കൻ അമേരിക്കൻ വിദ്യാർത്ഥികൾക്ക് പ്രവേശന പരീക്ഷ ഒരുക്കി. റൂബിയും മറ്റ് അഞ്ച് വിദ്യാർത്ഥികളും പരീക്ഷയിൽ വിജയിച്ചു. മകളുടെ സുരക്ഷയെ ഭയന്ന് ഓൾ-വൈറ്റ് സ്കൂളിൽ ചേരുന്നതിനെ അവളുടെ പിതാവ് ആദ്യം എതിർത്തിരുന്നു, എന്നാൽ, മാതാപിതാക്കൾക്ക് നിഷേധിക്കപ്പെട്ട വിദ്യാഭ്യാസ അവസരങ്ങൾ റൂബിക്ക് ലഭിക്കണമെന്ന് അവളുടെ അമ്മ ആഗ്രഹിച്ചു.

സ്കൂളിൽ പ്രവേശിക്കാൻ അവസരം ലഭിച്ച ആറ് ആഫ്രിക്കൻ അമേരിക്കൻ വിദ്യാർത്ഥികളിൽ ബ്രിഡ്ജസ് മാത്രമാണ് അഡ്മിഷൻ എടുത്തത്. അവളുടെ ആദ്യ ദിവസമായ 1960 നവംബർ 14 ന് അവളെ നാല് ഫെഡറൽ മാർഷലുകൾ സ്കൂളിൽ കൊണ്ടുപോയി. പ്രകോപിതരായ വെള്ളക്കാരായ മാതാപിതാക്കൾ സ്കൂളിലേക്ക് മാർച്ച് ചെയ്തു. വെളുത്ത വർഗ്ഗക്കാർ പഠിക്കുന്ന സ്കൂളിൽ ഒരു കറുത്ത വർഗ്ഗക്കാരി പഠിക്കുന്നതിനെ അവർ എതിർത്തു. ബ്രിഡ്ജസ് ആദ്യ ദിവസം മുഴുവൻ പ്രിൻസിപ്പൽ ഓഫീസിൽ ചെലവഴിക്കേണ്ടി വന്നു. ബ്രിഡ്ജസിന്റെ രണ്ടാം ദിവസം, ബാർബറ ഹെൻറി എന്ന യുവ അദ്ധ്യാപിക അവളെ പഠിപ്പിക്കാൻ തുടങ്ങി. ഒരു വർഷം മുഴുവൻ ഒഴിവുള്ള ക്ലാസ് മുറികളിൽ ഇരുന്ന് ബ്രിഡ്ജസിനെ അവർ പഠിപ്പിച്ചു.

ആറു വയസുകാരി റൂബി സ്കൂളിൽ പോകുന്ന വഴികളിൽ എല്ലാം തന്നെ വെളുത്ത വർഗ്ഗക്കാരുടെ സംഘങ്ങൾ തടിച്ചു കൂടി പ്രതിഷേധിച്ചിരുന്നു. അതിനാൽ തന്നെ റൂബി സ്കൂളില്‍ എത്തുന്നതും അവിടെ പഠിക്കുന്നതും മുന്നിലും പിന്നിലും രണ്ട് വീതം പട്ടാളക്കാരുടെ അകമ്പടിയോടെയായിരുന്നു. വഴി നീളെ റൂബി നേരിടേണ്ടി വന്നത് കടുത്ത വിവേചനമാണ്. എന്നാൽ ഇവയൊന്നും കണക്കിലെടുക്കാതെ തനിക്കു നേരെ ആക്രോശിച്ചവരെ ചെറു ചിരിയോടെയാണ് ആ ആറു വയസ്സുകാരി നേരിട്ടത്. ഒന്ന് കരയുകയോ പേടിക്കുകയോ ചെയ്യാതെ അവൾ ഓൾ വൈറ്റ് സ്കൂളിൽ എത്തി. ഈ ഒരു സംഭവത്തിലൂടെ ആ ആറുവയസ്സുകാരി ചരിത്രം രചിക്കുകയായിരുന്നു. ഇതിലൂടെ വെളുത്ത വർഗ്ഗക്കാർ പഠിക്കുന്ന സ്കൂളുകളിൽ കറുത്ത വർഗ്ഗക്കാർക്ക് പഠിക്കുവാൻ അവസരം ഒരുങ്ങി. ഈ കാലയളവിൽ ബ്രിഡ്ജസിന്റെ പ്രധാന വിശ്വസ്തൻ അവളുടെ അദ്ധ്യാപകനും പ്രശസ്ത ബാല മനഃശാസ്ത്രജ്ഞനുമായ റോബർട്ട് കോൾസ് ആയിരുന്നു. വർഷാവസാനത്തോടെ, ജനക്കൂട്ടം കുറയാൻ തുടങ്ങി, അടുത്ത വർഷം സ്കൂളിൽ നിരവധി കറുത്ത വിദ്യാർത്ഥികളെ ചേർത്തു.

ബ്രിഡ്ജസിന്റെ ധൈര്യം നോർമൻ റോക്ക്‌വെല്ലിന്റെ The Problem We All Live With (1964) എന്ന പെയിന്റിംഗിന് പ്രചോദനമായി, അതിൽ യുവ ബ്രിഡ്ജസ് രണ്ട് സെറ്റ് മാർഷലുകൾക്കിടയിൽ സ്കൂളിലേക്ക് നടക്കുന്നത് ചിത്രീകരിക്കുന്നു, അവരുടെ പിന്നിലെ മതിലിൽ ഒരു വംശീയ വിശേഷണം അടയാളപ്പെടുത്തിയിരിക്കുന്നു. കോൾസിന്റെ കുട്ടികൾക്കായുള്ള "ദി സ്റ്റോറി ഓഫ് റൂബി ബ്രിഡ്ജസ്" (1995) എന്ന പുസ്തകത്തിലും അവളുടെ കഥ വിവരിക്കുന്നു, അവളുമായി നടത്തിയ സംഭാഷണങ്ങളായിരുന്നു ഇതിന്റെ അടിസ്ഥാനം. 1999 ൽ അവളുടെ ഓർമ്മക്കുറിപ്പ് "ത്രൂ മൈ ഐസ്" പുറത്തിറങ്ങി. അതേ വർഷം തന്നെ റൂബി ബ്രിഡ്ജസ് ഫൗണ്ടേഷനും സ്ഥാപിക്കപ്പെട്ടു. സ്കൂൾ കുട്ടികൾക്കിടയിൽ സഹിഷ്ണുതയും ഐക്യവും വളർത്തുന്നതിന് വിദ്യാഭ്യാസ പ്രവർത്തനങ്ങൾ നടത്തുകയായിരുന്നു ഇതിന്റെ ലക്ഷ്യം.

പിന്നീട് 46 വര്‍ഷത്തിന് ശേഷം അതെ സ്കൂളിൽ വീണ്ടും റൂബി എത്തിയിരുന്നു. എന്തിനെന്നോ!!! കത്രീന കൊടുങ്കാറ്റിലും വെള്ളപ്പൊക്കത്തിലും തകര്‍ന്ന തന്റെ സ്കൂളിനെ വീണ്ടും പണിതുയർത്താൻ.