ക്ലിയോ പാട്ര

ക്ലിയോ പാട്ര, ജൂലിയസ് സീസർ, മാർക്ക് ആന്റണി ഈ മൂന്ന് പേരുകളും നമുക്ക് വളരെ സുപരിചിതമാണ്. റോമൻ ചക്രവർത്തിയായ ജൂലിയസ് സീസറുടെയും, റോമൻ സൈനിക മേധാവിയും രാഷ്ട്രീയ നേതാവുമായിരുന്ന മാർക് ആന്റണിയുടെയും ഭാര്യയായിരുന്നു ഈജിപ്തിലെ രാജ്ഞിയായ ക്ലിയോ പാട്ര. നല്ല വിദ്യാഭ്യാസവും ബുദ്ധിമതിയും ആയ ക്ലിയോപാട്രയ്ക്ക് വിവിധ ഭാഷകൾ സംസാരിക്കാൻ കഴിയുമായിരുന്നു. ഏകദേശം മൂന്ന് പതിറ്റാണ്ടോളം ക്ലിയോപാട്ര പുരാതന ഈജിപ്തിനെ (ആദ്യം രണ്ട് ഇളയ സഹോദരന്മാരോടൊപ്പം പിന്നീട് മകനോടൊപ്പം) ഭരിച്ചു.

ബിസി 51 ൽ പിതാവ് ടോളമി പന്ത്രണ്ടാമന്റെ മരണത്തെത്തുടർന്നാണ് ക്ലിയോ പാട്ര ഈജിപ്തിലെ രാജ്ഞിയായി ചുമതല ഏൽക്കുന്നത്. സഹോദരൻ ടോളമി പതിമൂന്നാമനുമായി ചേർന്ന് അവർ ഈജിപ്തിൽ ഭരണം നടത്തി. സഹോദരനെക്കാൾ എട്ടു വയസ്സിനു മുകളിൽ പ്രായമുള്ള പതിനെട്ടുകാരിയായ ക്ലിയോപാട്ര പ്രധാന ഭരണാധികാരിയായി. ക്ലിയോപാട്രയ്ക്ക് മുമ്പ് ടോളമിയുടെ പേരുള്ള ആദ്യത്തെ ഉത്തരവ് BCE 50 ഒക്ടോബറിലായിരുന്നുവെന്ന് തെളിവുകൾ കാണിക്കുന്നു. കുറേ കാലങ്ങൾക്ക് ശേഷം ക്ലിയോപാട്രയും ടോളമി പതിമൂന്നാമനുമായി പിണക്കത്തിലാവുകയും, ടോളമി പതിമൂന്നാമൻ സ്വയംഭരണം ഏറ്റെടുക്കുകയും ചെയ്തു. താമസിയാതെ, ഈജിപ്തിൽ നിന്ന് സിറിയയിലേക്ക് പലായനം ചെയ്യാൻ ക്ലിയോപാട്ര നിർബന്ധിതയായി, അവിടെ അവൾ ഒരു സൈന്യത്തെ വളർത്തി BCE 48-ൽ ഈജിപ്തിന്റെ കിഴക്കൻ അതിർത്തിയിലെ പെലൂസിയത്തിൽ സഹോദരനെ അഭിമുഖീകരിക്കാൻ മടങ്ങി. തന്റെ സിംഹാസനം വീണ്ടെടുക്കണമെങ്കിൽ തനിക്ക് റോമൻ പിന്തുണ കൂടുതൽ വ്യക്തമായി പറഞ്ഞാൽ സീസറിന്റെ പിന്തുണ ആവശ്യമാണെന്ന് ക്ലിയോപാട്ര മനസ്സിലാക്കി.

തന്റെ സിംഹാസനം നിലനിർത്താനും സാധ്യമെങ്കിൽ ആദ്യത്തെ ടോളമികളുടെ മഹത്വം പുനഃസ്ഥാപിക്കാനും തെക്കൻ സിറിയയും പലസ്തീനും ഉൾപ്പെട്ടിരുന്ന അവരുടെ ആധിപത്യങ്ങൾ പരമാവധി വീണ്ടെടുക്കാനും ക്ലിയോപാട്ര തീരുമാനിച്ചു. സീസറും ക്ലിയോപാട്രയും വൈകാതെ പ്രണയത്തിൽ എത്തിച്ചേർന്നു. ക്ലിയോ പാട്രയെ ഈജിപ്തിലെ ഭരണം തിരികെ ഏൽപ്പിക്കുന്നതിൽ പ്രധാന പങ്ക് വഹിച്ച വ്യക്തിയായിരുന്നു ജൂലിയസ് സീസർ. സീസറിന്റെ എണ്ണമറ്റ സേനയും ഈജിപ്തിലെ ടോളമി പതിമൂന്നമന്റെ സേനയും തമ്മിലുള്ള നാലുമാസത്തെ യുദ്ധത്തിനുശേഷം, സീസർ ഈജിപ്ത് കീഴടക്കുകയും; ടോളമിക്ക് അലക്സാഡ്രിയയിൽ നിന്ന് പലായനം ചെയ്യേണ്ടതായും വന്നു. യുദ്ധം ജയിച്ചതിന് ശേഷം അലക്‌സാൻഡ്രിയയിൽ എത്തിയ സീസർ ക്ലിയോപാട്രയ്ക്കും ഇളയ സഹോദരൻ ടോളമി പതിനാലാമനുമായി ഈജിപ്തിന്റെ ഭരണം നൽകി. പിന്നീട് സീസറും ക്ലിയോ പാട്രയും കല്യാണം കഴിക്കുകയും ചെയ്തു.

സീസറുടെ മരണശേഷം റോമിൽ ആന്റണി ദത്തുപുത്രന്‍ ഒക്ടേവിയനും ലെപിഡസുമായി ചേര്‍ന്ന് 3 പേരുടെ ഭരണകൂടം സ്ഥാപിക്കുകയുണ്ടായി. ഇതിനിടയിൽ ക്ലിയോ പാട്രയും മാർക്ക് ആന്റണിയും സഖ്യകക്ഷികൾ ആകുകയും വിവാഹിതരാവുകയും ചെയ്തു. റോമിലെ 3 പേരുടെ ഭരണകൂടം തകരുകയും ഒക്ടേവിയനുമായി ആന്റണി ശത്രുതയിലാവുകയും ഇത് യുദ്ധത്തിലേക്ക് എത്തുകയും ചെയ്തു. ആന്റണിയും ക്ലിയോപാട്രയും ചേര്‍ന്നാണ് ഒക്ടേവിയനെതിരെയുള്ള യുദ്ധം ആസൂത്രണം ചെയ്തത്. എന്നാല്‍ ഈ യുദ്ധത്തില്‍ ഇരുവരും ഒക്ടേവിയന്‍ സൈന്യത്തോട് പരാജയപ്പെടുകയാണുണ്ടായത്. തുടര്‍ന്ന് ഈജിപ്തിലേക്ക് നാടുവിടാന്‍ ശ്രമിച്ച ഇരുവരേയും അലക്‌സാണ്ട്രിയയില്‍ വെച്ച് ഒക്ടേവിയന്‍ സൈന്യം വളയുകയും പിടിക്കപ്പെടാതിരിക്കാൻ ഇരുവരും ആത്മഹത്യ ചെയ്യുകയും ചെയ്തു. ഇവരുടെ മരണത്തെ പറ്റിയും, മരണ സ്ഥലത്തെ പറ്റിയും ഇന്നും ഗവേഷണങ്ങളും പഠനങ്ങളും നടന്ന് കൊണ്ടിരിക്കുകയാണ്.